"26 қаңтар таңғы уақытта Райымбек бекетінде ақпараттық байланыс желісінің жұмысында ақау табылуына байланысты метро пойыздары қолмен басқару режиміне ауыстырылды. Осы орайда барлық бекеттерде пойыздардың жүріс интервалы уақытша ұзарды. Бұл метродағы жүру қауіпсіздігіне еш әсер еткен жоқ", - деп жазылған ресми хабарламада.
Мамандар жұмыс жасап, көп ұзамай үйреншікті интервал қайта қалпына келтірілді. Келтірілген қолайсыздықтар үшін кешірім өтінеміз.
Бұған дейін әлеуметтік желіде видео пайда болған. Кадрларда метро маңында көп адам тұрғанын көруге болады.
"Бүгін таңғы сағат 7:30-да метро жұмыс істемеді, көп адам жиналды. Себебін білмеймін", - делінген видеоның астында.
Бұған дейін Алматыда 2030 жылға қарай үш жаңа метро станциясы пайда болатыны белгілі болған еді.