Жаңадан тағайындалған Денсаулық сақтау министрі Ақмарал Әлназарова осылай деп мәлімдеді. Ол қызметіне кірісе салысымен бірінші кезекте трансплантология мәселесіне назар аударатынын айтты.
Бұл проблеманы Сенат мінберінде бұған дейін де бірнеше мәрте көтергенін айтады, деп жазады qazaqstan.tv.
Сонымен қатар медициналық-санитарлық алғашқы көмекті күшейтуді қолға алмақ. Бұл бағыт неғұрлым күшті болса, аурушаңдық пен өлім-жітім азаяды, - дейді министр.
"Мәйіттік донорлық қарастырылған Қазақстанда. Заң қабылдағанда халықаралық тәжірибеге сүйеніп жасалған жүйе. Бұл жүйені дұрыс жолға қою үшін қайта тарифтерді көтеруіміз керек. Бірнеше сатыдан тұратын жұмыс болады деп ойлаймын. Бұл жерде халықтың келісімін алмай, ол үшін халық та, қоғам да оған дайын болуы керек." Ақмарал Әлназарова, ҚР Денсаулық сақтау министрі