Бас прокуратураның 2024 жылғы 16 ақпандағы хабарламасында атап өтілгендей, ол ұйымдасқан топ құрамында 2020 жылдың шілде-тамыз айлары аралығында Қазақстаннан 24 келіден астам алтын контрабандасына қатысты деген күдікке ілінген.
"Осы қызметтің нәтижесінде мемлекетке 633 миллион теңгеден астам шығын келтірілген. Қылмыс жасағаннан кейін қатысушылар тергеуден жасырынып, халықаралық іздеуге жарияланған." Бас прокуратураның баспасөз қызметі
2023 жылдың шілдесінде күдікті Әзербайжан аумағында ұсталды.
Қазіргі уақытта ол Астана қаласының уақытша ұстау изоляторына қамалды.
"Аталған қылмысты жасағаны үшін мүлкін тәркілеп, сегіз жылдан он екі жылға дейінгі мерзімге бас бостандығынан айыру жазасы қарастырылған." Бас прокуратураның баспасөз қызметі
Айта кетейік, 2022 жылдың маусымында Астана қаласының соты осы трансұлттық ұйымдасқан топтың қызметіне қатысы бар 14 адамды түрлі жаза түрлеріне соттап, олардан мемлекет пайдасына 5 миллиард теңгеге жуық ақша өндіріп алған.