Алматы қаласы Төтенше жағдайлар департаментінің басшысы Нұрлан Атығаев атап өткендей, Төтенше жағдайлар министрінің бұйрығымен Төтенше жағдайлар министрлігінің жедел тобы мегаполис тұрғындары арасында ауқымды үгіт-насихат жұмыстарын бастап кетті.
"23 ақпанда сағат 10:00-де Дүниежүзілік Азаматтық қорғаныс күні қарсаңында Алматыда жалпықалалық сейсмикалық оқу-жаттығу басталады.Сейсмикалық дайындықтың мақсаты – тұрғындардың төтенше жағдайларда әрекет етуге дайындық деңгейін арттыру, тұрғындардың эвакуация жолдары, қауіпсіз орындар туралы алдын ала біліп, апаттық сөмкелерді дайындаңыз", - деді Нұрлан Атығаев.
Оның айтуынша, сейсмикалық дайындық барысында 21 ақпаннан бастап телеарналар мен радиоарналар тыныштықты сақтау туралы ұсыныстармен алдағы жоспарланған жалпықалалық сейсмикалық оқу-жаттығулар туралы ақпарат тарады.
"Сейсмикалық дайындық күні сағат 10:00-де сирена-дыбыс қондырғыларын іске қосу, теле-радио арналарды тоқтату арқылы қалалық хабарландыру жүйесі іске қосылады.Сейсмикалық дайындық жылдың суық мезгілінде жүргізілетіндігіне байланысты, біз басшылар мен қала тұрғындарынан жылы киіммен эвакуациялануды сұраймыз", - деді Нұрлан Атығаев.
2024 жылдың 23 қаңтарына қараған түні Алматыда күшті жер сілкінісі болды. Қала тұрғындары сезінген дүмпу бес баллға жеткен.
