Оңтүстік астана әкімдігінің баспасөз қызметі бүгін, 2024 жылдың 1 наурызында жаңа сайттың пайда болуына байланысты БАҚ өкілдеріне үндеу жариялады.
"Біз таратқан сан түрлі ақпараттар арқылы сіздермен үнемі тығыз байланыстамыз. Күн сайын чатқа бөлісетін жаңалықтар легінің көптігінен өздеріңізге қызықты іс-шаралар, баспасөз турлары туралы аңдатпалар көрінбей қалып жатады. Сіздерге ыңғайлы болу үшін біз жаңа интернет-ресурс – almaty.kz сайтын іске қостық. Порталда күн сайын қаладағы соңғы жаңалықтар, баспасөз релиздері, инфографика сынды Алматы әкімдігі баспасөз қызметінің барлық материалы жарияланады."
Бұл сіздер үшін сенімді ақпарат алуға арналған қосымша алаң. Мұнда Алматы көлік қаңқасының шебер жоспары, алып шаһардағы жаңа бастамалар мен жетістіктер жайлы ақпаратпен толығырақ танысуға болады.
Жаңа интернет-ресурсты қаржыландыру және техникалық қызмет көрсетуге келсек, almaty.kz сайты vecher.kz атты қолданыстағы платформа негізінде іске қосылды. Сайт жасауға бір тиын да жұмсалған жоқ. Порталға Алматы әкімдігі баспасөз қызметінің өкілдері жаңалық салып, жаңартып отырады.
