Медицина қызметкерлерінің денсаулығына зиян келтіргені үшін жауапкершілікті күшейтудің маңыздылығы туралы айтты.
"Бұл депутаттар мен Денсаулық сақтау министрлігінің бірлескен бастамасы болды. Денсаулық сақтау министрлігі қылмыстық заңнама аясында медициналық қызметкерлердің қызметтік міндеттерін атқарған кездегі мәртебесін құқық қорғау органдарымен теңестіру нормасын қолдады,– деді Тимур Сұлтанғазиев.
Алайда, оның айтуынша, "Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" Қазақстан Республикасының Заңы аясында құқық қорғау органдары – Ішкі істер министрлігі, Бас прокуратура , Әділет министрлігі мен Жоғарғы сот мұндай норманың енгізілуіне қарсылық білдірді.
"Олар бүгінгі күні барлығына ортақ нормалардың бар екендігіне сілтеме жасайды, яғни барлық мемлекеттік қызметшілер өздерінің азаматтық және кәсіби қызметін атқару кезінде, денсаулығына зиян келтірген немесе өміріне қауіп төнген жағдайда жалпы тәртіп бойынша қорғалады. Сонымен қатар, біз Денсаулық сақтау министрлігі ретінде медицина қызметкерлеріне, жедел жәрдем жүргізушілеріне және жедел жәрдем деңгейіндегі медицина қызметкерлері өкілдеріне шабуылдардың көбейіп бара жатқанын ескере отырып, мұнымен келіспейміз. Бұл нормаға депутаттармен бірге бастамашы боламыз", – деп түйіндеді Тимур Сұлтанғазиев.
2024 жылы 27 қаңтарда Қарағандыда белгісіз ер адам қысқа дауласудан кейін жедел жәрдем жүргізушісіне бірнеше рет соққы берді. Бұл туралы 31 қаңтарда елдің Ішкі істер министрі Ержан Сәденов жауап берді.
Ақпанның 1-і күні Сенат депутаты Амангелді Толамісов қызмет кезінде дәрігерлерге шабуыл жасағаны үшін жазаны қатайтуды ұсынды. Ол қатаң жаза қарастырылған полиция қызметкерлеріне шабуыл жасаумен параллель жасады.
