Мемлекет басшысы дәстүрлі отбасылық құндылықтарды берік және дәйекті түрде дамыту қажет екенін атап өтті.
"Елімізде қыз алып қашуды ұлттық дәстүр санап, ел ішінде дәріптегісі келетіндер бар. Бұл – мүлдем ақтауға болмайтын заңсыздық, қараңғылық, тіпті, масқара тірлік. Өркениетті қоғамда әр азаматтың абыройы, құқығы және бостандығы баға жетпес құндылық болуы керек. Сондықтан мұндай ақылға сыймайтын әрекеттерді қатаң сынға алу жеткіліксіз. Оған құқықтық баға беріліп, біржола тосқауыл қойылуға тиіс." Мемлекет басшысы
Мемлекет басшысы елімізде ұлттық дәстүрді атын жамылып, қыз алып қашу тәжірибесін енгізуге тырысатындар бар екеніне тоқталды.
"Дәстүрдің озығы бар, тозығы бар". Ата жолын сақтаймыз десек, ғасырлар бойы бабаларымыз ұстанған асыл дінімізді сақтайық. Дәстүрлі ислам – халқымыздың ұлттық бірегейлігін танытатын басты құндылықтың бірі. Біз оны берік ұстану арқылы экстремизмге және кертартпалыққа қарсы тұра аламыз. Жұртымыздың өзіне ғана тән ерекшелігі бар. Президент
Қасым-Жомарт Тоқаев адам әрқашан өзінің әлемді түсінуінен бастау алып, өзінің бірегей мәдени кодымен жүру керектігін айтты.
