Қазақстан қалаларында дауыс беруші ресейлік азаматтардың ұзын-сонар кезегі тіркелді

Қазақстанда ресейлік азаматтар Ресей Федерациясының президенті сайлауына қатысып, дауыс беріп жатыр. Осыған байланысты Астанадағы Орыс үйінде және Алматыдағы РФ Бас консулдығының жанында топтасқан адамдардың ұзын-сонар кезегі байқалады, деп хабарлайды Zakon.kz.

Жүздеген адамнан тұратын кезек бірнеше ондаған метрге созылады. Ресей Федерациясы азаматтарының жиналуы Астанадағы сайлау учаскесі ашылғаннан бастап байқалды.

Сурет: Zakon.kz

Сонымен қатар Zakon.kz тілшісі Алматыдағы РФ Бас консулдығы алдындағы ұзын-сонар кезекті суретке түсіріп алды. Есеп бойынша, шамамен ол маңда сол кезде мыңнан астам адам болған.

Сурет: Zakon.kz

Ресей Федерациясының азаматтары үшін дауыс беру орындары Астанадағы елшілікте, Алматы, Орал және Өскемендегі консулдық округтерде ашылған болатын.