2 сағат 45 минутқа созылған ойын 7:5, 6:7(4), 6:4 есебімен аяқталды.
Соңғы үш жылда Рыбакина Саккаримен үш рет кездесті. Соңғы рет мұндай жағдай өткен жылдың қараша айында Канкунда өткен WTA финалдық турнирінде болған. Содан кейін Елена қарсыласын үш сетте ұтты (6:0; 6:7 (4:7); 7:6 (7:2).
Жартылай финалда Рыбакина қазір WTA рейтингінде 32-орында келе жатқан беларусь Виктория Азаренкамен ойнайды.
Азаренька бұрын хабарланғандай, тағы бір қазақстандық теннисші Юлия Путинцевадан басым түсті.
Бұған дейін Рыбакина WTA деңгейінде биылғы маусымдағы 20-шы жеңісіне қол жеткізген болатын. Ол әлемнің 17-ракеткасы америкалық Мэдисон Кисті ұтты. Рыбакина биыл бұл көрсеткішке қол жеткізген үшінші теннисші атанды. Бұған дейін әлемдік рейтингтің көшбасшысы Ига Свиатек пен әлемнің 20-шы, 22 жастағы америкалық Эмма Наварро 20 жеңіс көрсеткішінен асып түсті.