Атаулы әлеуметтік көмекті тағайындау бөлігіне енгізілген өзгертулердің мәні бойынша, табиғи және техногендік сипаттағы төтенше жағдайлар кезеңінде атаулы әлеуметтік көмекті қазіргі алушыға ақпараттық жүйе арқылы тағайындалған атаулы әлеуметтік көмек тоқсанның соңғы күніне автоматты түрде келесі тоқсанға өтінішсіз ұзартылады.
Табиғи және техногендік сипаттағы төтенше жағдайлар кезінде атаулы әлеуметтік көмек тағайындауға алғашқы өтініш жасалған кезде учаскелік комиссия өтініш берушінің материалдық жағдайына тексеру жүргізбейді.
"Медициналық-әлеуметтік сараптама жүргізу қағидаларын бекіту туралы" заңға егер куәландырылатын адамның құжаттары "БҚҚБ" ААЖ-ға түспесе немесе куәландырылатын адам МӘС бөліміне мерзімінде келмесе және қайта куәландыру кезінде мүгедектік немесе еңбек ету қабілетінен айрылу дәрежесі қайта белгіленсе, онда өткізіп алған кезең үшін мерзім есептеледі:
- үш жылға дейін – дәлелді себеппен қайта куәландырудың кезекті мерзімін өткізіп алған кезде (ұзақ үздіксіз стационарлық емдеу салдарынан кезекті қайта куәландыруға келудің мүмкін еместігі);
Сонымен қатар, төтенше жағдай, табиғи және техногендік сипаттағы төтенше жағдайлар кезеңінде қайта куәландыру мерзімі төтенше жағдай енгізілгенге дейін бір айдан аспайтын бұрын және төтенше жағдайлар кезінде басталған және төтенше жағдайлар кезеңіне көрсетілген кезеңде куәландырудан қайта өтпеген адамдарға мүгедектік, еңбекке қабілеттілігінен айрылу дәрежесі және мүгедектігі бар адамдардың ОЖБ мерзімдері төтенше жағдай кезеңінде автоматты түрде ұзартылады. Төтенше жағдай режимінің, табиғи және техногендік сипаттағы төтенше жағдайлардың қолданысы аяқталған ай толық есептеледі.
Сонымен қатар кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидаларына толықтырулар енгізілді:
- Табиғи және (немесе) техногендік сипаттағы төтенше жағдайдан зардап шеккен қарыз алушыларға төлемдерді кейінге қалдыру ұсынылады. Ағымдағы жылдың кестесі бойынша барлық төлемдер шарттың қолданысын тиісті ұзарта отырып, біркелкі төлемдермен қаржыландыру мерзімі аяқталғанға дейін келесі жылдың төлемдеріне бөлінеді.
- Зардап шеккен қарыз алушылардың кредиттері бойынша табиғи және (немесе) техногендік сипаттағы төтенше жағдайларға байланысты туындаған төлемдерді кешіктіргені үшін айыппұлдар мен өсімпұлдар есептелмейді.
"Субсидияланатын жұмыс орындарын ұйымдастыру және субсидияланатын жұмыс орындарына жұмысқа орналастырылған адамдардың жалақысын субсидиялау қағидаларын бекіту туралы" заңның өзгерістері бойынша: табиғи және (немесе) техногендік сипаттағы төтенше жағдай енгізілген аумақта субсидияланатын жұмыс орындарына жұмысқа орналастырылған адамдардың еңбегіне ақы төлеуді Еңбек мобильділігі орталығы ай сайын жұмыс берушілерден мәліметтерді талап етпей, субсидияланатын жұмыс орындарына жұмысқа орналастырылған адамдардың ағымдағы (карточкалық) шоттарына ақша қаражатын аудару жолымен жүзеге асырады.
Құжат 2024 жылдың 23 сәуіріне дейін ашық талқылау үшін "Ашық НҚА" сайтында орналастырылған.
