Ведомствоның 14 мамыр күнгі хабарында айтылғандай, Әбілқайыров Бақытжан Рахманұлы Қаржы мониторингі агенттігінің Солтүстік Қазақстан облысы бойынша Экономикалық тергеу департаментінің басшысы қызметіне тағайындалды.
Сурет: ҚР ҚМА баспасөз қызметі
Бақытжан Әбілқайыров бұған дейін Шымкент қалалық экономикалық тергеу департаменті бастығының орынбасары қызметін атқарған.
Құқық қорғау және арнаулы мемлекеттік органдарға жетекшілік ету жөніндегі Президенттік резервтің мүшесі.
Сонымен қатар, Әбдіханов Қуат Аманбекұлы Қаржы мониторингі агенттігінің Ақтөбе облысы бойынша экономикалық тергеу департаментінің басшысы қызметіне тағайындалды.
Сурет: ҚР ҚМА баспасөз қызметі
Бұған дейін Қуат Әбдіханов ҚМА Орталық аппаратында департамент басшысы қызметін атқарған.
Құқық қорғау және арнаулы мемлекеттік органдарға жетекшілік ету жөніндегі Президенттік резервтің мүшесі.
2024 жылдың 30 сәуірінде Қаржы мониторингі агенттігі төрағасының бірінші орынбасары Ұлан Раисов елден капиталды заңсыз шығару үшін жауапкершілікті күшейтуді ұсынғаны хабарланған болатын. Оның айтуынша, құқық қорғау бөлімшесіне ақшаның заңсыз алынғаны немесе уақытында қайтарылмағаны туралы ниетін дәлелдеу қиын.
