Жергілікті lada.kz басылымының хабарлауынша, 14 мамырда бұл туралы ақпарат әуелі WhatsApp-та тараған.
"Таратылып жатқан аудиохабарламада кәмелетке толмаған қыздардың демалыс күні №10 мектептің ауласында ойнап жүргені және күзетшінің олардың бірін кіреберіске шақырғаны, содан кейін ол оны күзет отыратын жердің арт жағына апарып, тиісе бастағаны айтылған. Қыз қашып құтылған", - делінген хабарламада.
Зардап шеккен қыздың анасы полицияға арыз түсірген.
Бұл фактіні мектептің өзі растап, оқиға жексенбі, 12 мамыр күні болғанын хабарлады. Күзетші дереу қамауға алынды. Оның бұл әрекеті бейнебақылау камерасы түсіп қалған. Күзет агенттігіне қарсы іс қозғалды.
Облыстық полиция департаменті күдіктінің ұсталып, уақытша ұстау изоляторына жеткізілгенін хабарлады.
"Бұл фактіге қатысты қылмыстық іс қозғалды, басқа ақпарат тергеу мүддесіне сай жарияланбайды", - деп хабарлады полиция.