Ұлттық тестілеу орталығының директоры Болатбек Әбдірәсілов халықаралық сарапшылар мен әзірлеушілер де қазақстандық тесттердің сапасын арттыру бағытында жұмыс істеп жатқанын атап өтті.
"Біз үшін тестілер мен ҰБТ сертификаттарының мойындалуы маңызды. Осыған байланысты біз шетелдік серіктестерімізбен, дүние жүзіндегі тестілеу орталықтарын аккредиттейтін агенттіктермен көп жұмыс атқарудамыз.Әрине, Ұлттық бірыңғай тестілеу сертификаттары, айталық, облысымызда, мүмкін шетелде де қолданылғанын қалаймыз.Тестілеу нәтижелерін шетелдік жоғары оқу орындарына түсу үшін пайдалануға болады", - деді Ұлттық тестілеу орталығының директоры Болатбек Әбдірәсілов.
Ол орталықта тест құрастырушылардың біліктілігі де жетілдірілетінін атап өтті. Ал соңғы жылдары жүргізілген тестілеу нәтижелеріне сүйенсек, қазірдің өзінде тест мазмұнына қатысты апелляциялар саны айтарлықтай азайған.
16 мамырда еліміздің 14 өңірінде негізгі Ұлттық бірыңғай тестілеу басталды; алты өңірде өтініштер әлі қабылдануда.
Талапкерлердің басым бөлігі – 75 пайызы негізгі ҰБТ тапсыру үшін қазақ тілін таңдаған.