"Тергеу барысында жәбірленуші Астанадан мегаполиске көлік сатып алу үшін ұшып келгені белгілі болды. Көлікті сатып алғаннан кейін интернет желісі арқылы автотасымалдау қызметіне тапсырыс берген. Тасымалдау қызметінің бағасын талқылап, ол кілтті көлік жүргізушісіне тапсырған. Алайда, келісілген мерзімде автокөлік жеткізілген жоқ", – деді Алматы облысы ПД бастығы Бауыржан Әленов.
Жедел-іздестіру іс-шарасын өткізу барысында полицейлер осы қылмысқа қатысы бар екі ер адамды ұстады. Автокөлік заңды иесіне қайтарылды.
Қазіргі уақытта олардың басқа ұқсас қылмыстарға қатысы бар-жоғы тексерілуде. Тергеу жалғасып жатыр.