Бұл туралы pavlodarnews.kz облыстық прокуратураға сілтеме жасап жазды.
"2024 жылғы 13 мамырда Павлодардағы №14 орта мектебінің оқушысының сыныптасы мен мұғаліміне шабуыл жасау фактісі бойынша облыстық полиция департаментінің тергеу бөлімі сотқа дейінгі іс жүргізіп жатыр. Қазақстан Республикасы Қылмыстық кодексінің 24-бабының 3-бөлігі, 99-бабының 2-бөлігінің 1), 14) тармағымен кәмелетке толмаған күдіктіге қатысты үйқамақ түріндегі бұлтартпау шарасы таңдалды", - делінген облыс прокурорының бірінші орынбасары Ержан Дүйсекеновтің жауабында.
Қазақстан Республикасы Қылмыстық-процестік кодексінің 201-бабына сәйкес сотқа дейінгі тергеп-тексерудің барысы туралы қалған деректер жария етілмеді.