БҚО әкімдігінің баспасөз қызметі берген мәліметке сай, кездесу барысында табиғи апат салдарынан келген шығындарды өтеу механизмдеріне қатысты сауалдар көтерілді.
Тұрғындардың біразының саяжайдағы үйлерінің фундаменті ғана тұрғызылған, құрылысы толық аяқталмаған жағдайлар кездеседі. Сондай-ақ тұрғындардың саяжайдағы үйлері құжат жүзінде жақын туыстарына рәсімделген, аттарында тұрғын үйлері бар фактілер де орын алып отыр. Мұндай мәселелерді облыс әкімі арнайы шығындарды өтеу жөніндегі комиссия заң аясында жеке дара қарайтынын түсіндірді.
Сурет: БҚО әкімдігінің баспасөз қызметі
Кездесу барысында өңір басшысы саяжайдағы үйлері жалғыз баспана болып табылатын тұрғындарға заң аясында үй берілетінін атап өтті.
"Тұрғындар өз тарапынан судың астында қалған мүліктерін бағалау жұмыстарын тездету бойынша өтініштерін білдірді. Нариман Төреғалиев бағалаушылар мен комиссия өкілдері барлық тұрғындарды қамтитынын айта келе, бағалаушылар саны ұлғайтылып жатқанын атап өтті." БҚО әкімдігінің баспасөз қызметі
Сурет: БҚО әкімдігінің баспасөз қызметі
Атап өтерлігі саяжай тұрғындарымен кездесулер және түсіндіру жұмыстары тұрақты негізде өткізіліп жатыр.