Қала билігі ШЫҰ саммиті 3-4 шілдеде өтетінін еске салды.
"Осы күндері қаладағы жедел жәрдем станциясы, емханалар мен ауруханалар қалыпты режимде жұмыс істейді". Астана әкімдігінің баспасөз қызметі
Қалалық стационарлар бұрынғыдай азаматтарды тәулік бойы қабылдайтын болады. Жедел және шұғыл медициналық көмек көрсетуге толық әзірлік қамтамасыз етілді, резервтік мамандандырылған палаталар бөлінді.
Емханалар да әдеттегідей жұмыс істейді: алғашқы медициналық-санитарлық көмек ұйымдары сағат 08:00-ден 20:00-ге дейін жұмыс істейді, активтер мен қоңырауларды қабылдау – 08:00-ден 16:00-ге дейін.
Жедел медициналық қызметтер тәулік бойы жұмыс істейді, бұл пациенттерге көмек көрсетуде қолжетімділік пен жеделдікті қамтамасыз етеді.