Комитеттің хабарлауынша, екі жергілікті тұрғын есірткінің кезекті партиясын дайындап жатқан кезде қылмыс үстінде ұсталған.
Ұлттық қауіпсіздік комитетінің ресми сайтында жарияланған мәліметтерге сәйкес, 60 келіден астам психотроптық заттар мен 2,5 тонна прекурсорлар, сондай-ақ "синтетика" өндіруге арналған құрал-жабдықтар тәркіленді.
"Қылмыстық кодекстің 297-бабының 3-бөлігімен (осы қылмыстық құқық бұзушылық үшін 15 жылға дейін бас бостандығынан айыру көзделген) сотқа дейінгі тергеу жүргізілуде."Ұлттық қауіпсіздік комитетінің баспасөз қызметі
Қылмыстық іс жүргізу кодексінің 201-бабының 1-бөлігіне сәйкес өзге де мәліметтер жария етілуге жатпайды.
2024 жылдың 21 маусымында Маңғыстау облысында 10 келі гашиш сату кезінде екі қазақстандықтың қылмыс үстінде ұсталғаны хабарланған болатын. Тінту кезінде олардан 50 граммға жуық апиын, 4 мың доллар және 4 миллион теңгеден астам ақша тәркіленді.
