"Өздеріңіз білетіндей, ферроқорытпа зауытында төтенше жағдай орын алды, қазір барлығына қажетті медициналық көмек көрсетіліп жатыр, мен дәрігерлермен де сөйлестім қолдан келгеннің бәрін жасап жатыр". Облыс әкімі Ермағанбет Бөлекпаев
Денсаулық сақтау басқармасының басшысы Бибігүл Төлегенованың айтуынша, зардап шеккен бес адамның жағдайы өте ауыр, үшеуінің жағдайы ауыр. Барлығына кешенді шокқа қарсы терапия жүргізіледі.
YDD Corporation ферроқорытпа зауытында болған оқиға негізінде Қазақстан Республикасы Қылмыстық кодексінің 156 "Абайсызда денсаулыққа ауыр зиян келтіруге әкеп соққан еңбекті қорғау ережелерін бұзу" бабының 2-бөлігі бойынша қылмыстық іс қозғалды.
Оқиғаның себептері мен мән-жайын еңбек заңнамасы аясында тексеру үшін арнайы комиссия құрылды.
Тергеу қорытындысы бойынша қорытынды шығарылады.
"Сіздер бұл жұмысты барлық жауапты мемлекеттік органдармен, соның ішінде құқық қорғау органдарымен тығыз байланыста жүргізуіңіз керек!"Облыс әкімі Ермағанбет Бөлекпаев
2024 жылғы 20 шілдеде N1 пеште кенеттен жалын шығып, нәтижесінде ферроқорытпа зауытының сегіз жұмысшысы әртүрлі ауырлық дәрежесінде жарақат алды.
