Ол бұл туралы өзінің Telegram-дағы каналында жазды.
"Құрметті биылғы талапкерлер! Қадірлі ата-аналар! Соңғы уақытта еліміздегі су тасқыны бүкіл елге ортақ сынақ болды. Осы жағдайға байланысты, біз жоғары білім алуға гранттардың аз ғана бөлігін зардап шеккен өңір түлектеріне бөлдік. Саны көп те емес, 5112 грант. 20 мыңнан астам түлек су басқан өңірден бітірсе, соның 10 мыңнан астам түлегі өздеріңізбен бірдей жалпы конкурспен өтті. Біз оны әділ және ашық түрде бөлуге бар күш-жігерімізді салдық. Кешегі ата-аналар мен балалардың қуаныш жасын көріп, біз де бірге қуандық. Бірақ, өкінішке қарай, грант ала алмаған түлектер мен отбасылардың мұңында да біз біргеміз. Көптеген адам министрлікке, маған хабарласып, жазып жатыр, ал осы нәтижені сабырмен қабылдағандар да бар екен. Айтайын дегенім, үміт үзбеңіздер! Грант алу мүмкіндіктері әлі де бар!" Саясат Нұрбек
Министрдің сөзінше, биылғы конкурсқа қатысушылар саны былтырғымен салыстырғанда 11 мыңға көп, сондықтан бәсеке де өте жоғары болды.
С"у тасқынынан зардап шеккен аймақтар үшін квота қарастырылғанымен, сол аймақтардың талапкерлері жалпы конкурс бойынша грант ұтып алды. Грант алғандардың тек 1130-ы немесе 1,7%-ы мүмкіндікті пайдаланды. Бұл аймақтарды қолдау үшін талапкерлерге дайындалу және конкурсқа құжаттарын тапсыру үшін мерзімі кеңейтілді, және конкурсқа ең жақсы ҰБТ нәтижесі бар сертификатын ұсыну мүмкіндігі берілді", - деп жазды министр.
Жоғары балл жинаған 10 мыңнан астам, оның ішінде 7 мыңнан астамы шығармашылық мамандықтар бойынша грант ала алмады
Мысалы, дене шынықтыру мұғалімдерін даярлау бойынша 1 орынға 11 адам, сән және дизайн бойынша 9 адам, ал стоматологияға 1 орынға 35 адамнан келді.
Ведомство басшысы грант алу мүмкіндігі әлі де бар екенін айтты:
- 3 мыңға дейін талапкер гранттан бас тартуы мүмкін, олар келесі жоғары балл жинаған талапкерлерге беріледі.
- Жергілікті атқарушы органдардың яғни әкімдік гранттары бар.
- KazEnergy қауымдастығының гранттарын қосыңыз.
- Х.А.Яссауи атындағы ХҚТУ-де білім алу үшін Түркия Республикасының 500 гранты.
- Жұмыс берушілердің гранттары.
- Түркістандағы Халықаралық туризм және қонақжайлылық университеті 800 мақсатты грант ұсынады.
- Қазақстан халқына қоры 850 грант бөледі.
- Ректорладың гранты, мысалы Тұран-Астана университеті Алтын белгі иегерлеріне гранттар бөлуде.
- Сессия қорытындысы бойынша бос грант алу мүмкіндігі және бар.
