Сенатор Премьер-Министрдің атына жолдаған депутаттық сауалында интернет-алаяқтық проблемалары қарқын алып, қазақстандықтар үшін өзекті мәселеге айналып отырғанын айтты.
"Жыл басынан бері осындай 11 765 қылмыс тіркелді. Қылмыскерлер бейімделуді жалғастырып, азаматтарды алдаудың жаңа жолдарын іздеуде", — деді ол.
Ішкі істер министрлігінің деректеріне сілтеме жасаған сенатор осы кезеңде интернет алаяқтары қазақстандықтарды 21,6 миллиард теңгеге алдап кеткенін айтты.
Осыған байланысты ол азаматтар күдікті әрекеттер туралы хабарлап, кеңес ала алатын алаяқтық істеріне жедел ден қою үшін арнайы сенім телефондары мен онлайн платформалар әзірлеуді ұсынып отыр.
Рахметова сонымен қатар фишингтік (алаяқтық) сайттар жасағаны үшін, жалпы интернет алаяқтығы үшін жазаны күшейтуді ұсынады.
2024 жылдың 5 қыркүйегінде Бас прокуратура қазақстандықтарға алаяқтықтың жаңа түрі туралы ескертті.