"2024 жылғы 7 қыркүйекте сағат 17:10 шамасында Ақтаудағы ҚР ҚМ әскери бөлімдерінің бірінің взвод командирі "Оймаша" полигонының аумағында ПМ табельдік тапаншасынан қатардағы Б-ға оқ атып, сарбаз қайтыс болды. Сол күні Батыс өңірлік әскери-тергеу басқармасы қасақана кісі өлтіру фактісі бойынша сотқа дейінгі тергеуді бастады (ҚК 99-бабының 1-бөлігі)". Бас әскери прокуратура
Тергеу органы күдіктіні ҚПК-нің 128-бабы тәртібімен ұстады және Ақтаудың уақытша ұстау изоляторына қамауға алды.
Бас әскери прокуратураның хабарлауынша, қажетті кешенді тергеу амалдары жүргізілуде, қылмыстың себептері мен өзге де мән-жайлар анықталып жатыр. Іс бойынша процестік прокурор тағайындалды.
"Тергеу барысы Бас әскери прокуратураның ерекше бақылауына алынды. Қылмыстық процестік кодекстің 201-бабына сәйкес басқа мәлімет жарияланбайды", - делінген хабарламада.
Еске салайық, мұның алдында Қорғаныс министрлігі Ақтау гарнизонындағы 25744 әскери бөлімінің мерзімді қызметтегі әскери қызметшісінің қазасына қатысты мәлімдеме жасаған еді.
Ал оған дейін марқұмның әкесі Қорғаныс министрлігі басшысына видеоүндеу жасады.
