"Асыл Қазына" атты алғашқы ауқымды концерт 18:00-де "Алатау" дәстүрлі өнер театрының алдындағы алаңда болады. Сахнада Рамазан Стамғазиев, Сәуле Жанпейісова, Еркін Шүкіман, Амангелді Күзеубай және т.б. танымал дәстүрлі әншілер мен артистер өнер көрсетеді.
Кейін сағат 19:00-де осы алаңда "Алматы түні" атты екінші концерт басталады, көрермен қауымқа аты аңызға айналған "Дос-Мұқасан" ансамблі ән шырқайды. Бір сағаттан соң 20:00-де сахнаға "МузАрт" тобы шығады. Сәкен Майғазиев, Мейрамбек Бесбаев және Кенжебек Тұрсынбайұлы көпшіліктің сүйікті әндерін орындап, алматылықтарды келе жатқан Қала күнімен құттықтайды.
Тағы бір мерекелік іс-шара Арбатта өтеді. Тұрғындар мен қонақтарға "Жаңа ғасыр" театрының артистері "Алматы – махаббатым" концерт-спектаклі ұсынады Олар Ш. Айманов атындағы "Қазақфильм" киностудиясының алтын қорындағы фильмдердің саундтректерін қала тұрғындарымен бірге орындайды. Сонымен қатар, жас әрі талантты актерлер анонимді хат жазып, шынайы сезімі мен толғанысын білдіруге бел буған адамдардың ішкі жан сезімін театрландырылған драмалық көрініс арқылы көрермен назарына ұсынады.
Іс-шаралар жоспарының толық нұсқасы almaty.kz (https://www.almaty.kz/almaty-alasy-k-ni/?lang=kz) сайтында, сондай-ақ әкімдіктің Instagram парақшасында, Алматы Мәдениет басқармасы мен аудандық әкімдіктердің ресми парақшаларында жарияланған. Ескертейік, аздаған өзгерістер болуы мүмкін. Ақпаратты әкімдіктің ресми интернет-ресурстары арқылы бақылап отыруды сұраймыз.