Ведомствоның хабарлауынша, аталған азамат жұмыстарды нақты орындамай, қызмет көрсетпей және тауар жөнелтпей, жалған шот-фактуралар жазып бергені үшін күдікке ілінген.
Сурет: ҚМА баспасөз қызметі
"2011 жылдан 2013 жылға дейін Омаров Р.У. "Sunkar Logistics" ЖШС директоры ретінде әрекет етіп, контрагенттерге 4 млрд теңгеден астам сомаға жалған бухгалтерлік құжаттар жазып берген. Мемлекеттік кірістер органдарының қорытындысы бойынша, төленбеген салық түріндегі мемлекетке келтірілген залалдың жалпы сомасы 1,5 млрд теңгеден асады." ҚМА баспасөз қызметі
Егер сіз іздестіріліп жатқан тұлғаның орналасқан жері туралы қандай да бір ақпарат білсеңіз, мына телефон нөмірлеріне хабарласуыңызды сұраймыз:
+7-701-770-08-65 — іздеу бойынша,
+7-7292-40-36-59 — кезекші бөлім.
Сыйақы мен анонимділікке кепіл беріледі.
2024 жылдың тамыз айының соңында AFM "Thefiniko" қаржы пирамидасының құрылымдық бөлімшесінің басшысы деген болжамды Ташкент қаласының тумасы азаматқа халықаралық іздеу жариялады.
