Метеорологтар келесі солтүстік-батыс антициклон еліміздің басым бөлігіне әсер ететінін баса айтады.
"Күн суытып, негізінен жауын-шашынсыз ауа райы күтіледі. Тек Қазақстанның оңтүстік-батысында, оңтүстігінде және оңтүстік-шығысында жаңбыр жауып, найзағай ойнайды". "Қазгидромет" РМК баспасөз қызметі
3 қазанда оңтүстік-батыста қатты жаңбыр жауады, оңтүстік-шығыстың таулы аймақтарында жаңбыр мен қар жауады.
Сонымен қатар, республиканың барлық аумағында жел күшейіп, түнде және таңертең тұман түсуі мүмкін.
"Республиканың солтүстік, шығыс және орталық облыстарында түнде ауа температурасы 2-8 градус аязға дейін төмендейді. "Қазгидромет" РМК баспасөз қызметі
Бұған дейін мамандар күздің екінші айындағы ауа райы туралы егжей-тегжейлі айтқан болатын. Олардың айтуынша, қазан айында жауын-шашын мол болып, ауа температурасы -10-нан +28-ге дейін жетеді.