"Біз жақсартуға болатын барлық мүмкіндіктерді қарастырамыз, сүйікті клиенттеріміздің өмірін жеңілдетеміз және серіктестерге тиімдірек сатуға көмектесеміз. Егер біздің қызметтеріміздің картасын қарасаңыздар, біз үш-алты ай сайын жаңа қызметті іске қосамыз. Бізде ешқандай географиялық шектеулер жоқ. Қазір біз хабарлағанымыздай алдыңғы қатарлы түрік маркетплейсімен күш біріктіреміз. Бұл 100 млн адамға дейінгі нарыққа шығуға мүмкіндік береді. Біз үлкейіп, технология және біліммен бөлісе аламыз – ал олар басөқа елдермен салыстырғанда ерекше. Сонымен қатар бәрі Қазақстанда, біздің командамен, Kaspi-де жұмыс істейтін адамдар жасаған. Біздің айналамызда көптеген кеңесшілер жұмыс істейді деген мифтердің бәрі шындыққа жанаспайды, бәрін өзіміз, 24/7 жасаймыз. Ешқандай шектеу көріп отырған жоқпыз. Біз бір жағынан бизнеске, екінші жағынан жеке тұлғаларға құндылықтар ұсына алатынымызды түсініп, инновациялық сервистерді іске қосамыз. Жақында ғана сыйлық сертификаттарын іске қостық. Бұл әдемі сервис – сыйлық туралы ойлаудың қажеті жоқ, жәй ғана сертификат сыйлаңыз. Бәріңізге кеңес беремін". Михаил Ломтадзе, Kaspi.kz басшысы және негізін қалаушылардың бірі
Конференция жүргізушісі Kaspi.kz-ті Үндістандағы платформалардың бірі даму үлгісі ретінде атағанын атап өтті. Бұл да қазақстандық брендтің ел шеңберінен шығып, халықаралық дәрежеге жеткенінің тағы бір мысалы. Kaspi қандай нарықтарға қызығушылық танытады және кіретін ел қалай анықталады деген сұраққа Михаил Ломтадзе былай деп түсіндірді:
"Әдетте, мұндай шешімдер 50% өнер және 50% деректер. Түркия тұрғысынан бізге Түркия нарығы біз үшін өте қызықты, құрылымы жағынан, экономикалық деректері жағынан Қазақстанға өте ұқсас. Нарықтың көлемі өте маңызды — 85 миллионнан астам адам. Бірақ шешім қабылдау тұрғысынан алғанда, негізгі нәрсе біз инвестиция салатын және сатып алатын компания. Бұл компанияның (Hepsiburada) менеджементі өте мықты, компанияның көзқарасы Kaspi-ге сәйкес келеді — бұл өмірді жақсартатын қызметтер".
Михаил Ломтадзенің айтуынша, Hepsiburada өз қызметтерінің сапасына көп көңіл бөледі. Және бұл ең үлкен факторлардың бірі болды.
"Біз көптеген компанияларды қарадық, Kaspi ашық компания болғандықтан, көптеген адамдар Kaspi-ге назар аударады, бізге ұсыныс өте көп болды. Бірақ біз Түркия мен Hepsiburada-ны таңдадық, өйткені елдің тартымды құрылымдық көрсеткіштері бар және компания мәдени тұрғыдан біз үшін бірегей. Біз үшін адамдардың біз сияқты ойлауы маңызды. Әйтпесе біз үшін бірге жұмыс істеу қиын болар еді. Кез келген компанияда табысқа жетудің кілті — бірдей ойлайтын адамдар".
