Сыныпқа 1973-1985 жылдары Жезқазған облыстық ішкі істер басқармасының басшысы болған милиция генерал-майоры Мұрат Құрмановтың есімі берілді.
Сурет: Ұлытау облысының полиция департаменті
Салтанатты шараға облыстық департамент басшысы Қайыркен Әлиев, қала әкімі Қайрат Шайжанов, білім басқармасының басшылары, ата-аналар мен оқушылар қатысты. "Жас сақшы" сыныбына 25 оқушы қабылданып, алғашқы сынақтан сүрінбей өтті.
Сурет: Ұлытау облысының полиция департаменті
"Біздің мақсатымыз — жас ұрпақты отансүйгіштікке, еңбекқорлыққа тәрбиелей отырып, оларды жауапкершілік пен салауатты өмір салтына баулу", — деді облыстық полиция департаментінің бастығы Қайыркен Әлиев.
Сурет: Ұлытау облысының полиция департаменті
Іс-шара барысында облыстық полиция департаментінің жылдам қимылдайтын арнайы жасақ арнайы мақсаттағы бөліністің жауынгерлері қоян-қолтық ұрыстың әдіс-тәсілдерін көрсетті.
Сурет: Ұлытау облысының полиция департаменті
Оқушылар мен ұстаздар қуанышты көңіл-күй сыйлап, өнерлерімен бөлісті. Айта кетсек, сынып облыс көлемінде алғашқы рет ашылып отыр.
