Салтанатты шараның видеосымен АҚШ-та жұмыс сапарымен жүрген танымал адвокат Жанна Уразбахова желіде жариялады.
"Нью-Йоркте, Уолл-стритте Қазақстан туы салтанатты түрде көтерілді. Шараға қала әкімі мен біздің дипломаттар қатысуда. Патриоттық сезімге кеңелдім", деп жазды ол.
Сондай-ақ, тура осындай видеомен Алматыдан Нью-Йоркке көшіп барған фотограф Аркен Аван да бөлісті. Ол іс-шараға домбыраны күмбірлетіп, ұлттық әндер шырқаған қазақстандық әскерилері мен әртістерін көргенін айтты.
Қонақтарға ҚР туы бейнеленген қазақстандық шоколад пен печенье таратылған.