Бірнеше күнге созылатын кездесу түзеу мекемелерінде жазасын өтеп жатқан сотталғандардың тек жақын туыстарына ғана ұсынылатыны белгілі.
"Алайда, 33 жастағы әйел адам мекеме қызметкерлерін алдап мекеме ішіне кіру үшін өз айласын ойлап тапқан. Ол мекемеге кіруге рұқсат алу үшін неке туралы куәлікті қолдан жасаған. Осылайша түрменің тексеру орнындағы қызметкерлеріне неке туралы куәлік ұсынған. Алайда қырағылық танытқан мекеме қызметкерлері құжаттың жалған екенін байқаған. Текмеру барысында кездесуге келген әйел адамның сотталғанның ресми түрде некеде тұрмағаны анықталды. Азаматшаның өзі бұл дерек бойынша түсініктеме беруден бас тартты", — деп түсіндірді облыстың ҚАЖ Департаментінің ресми өкілі әділет майоры Салтанат Ожиканова.
Жалған құжат тәркіленіп, сараптамаға жіберілді.