Тамыз айында Успен ауылындағы дәмханалардың бірінде жарты литрлік бөтелке арақ сатқан аудандық қазынашылық басшысы ұсталды. Сот материалдарына сәйкес, әйел 21:00-ден кейін ішімдік сатқан. Дәмхана оның досына тиесілі, сондықтан ол кейде оған көмектесіп тұрады.
"Әйел сотта кейде жеткізушілерден, соның ішінде алкоголь өнімдерінен жүкқұжат арқылы тауар алуға көмектесетінін айтты, өйткені оның досы бірінші топтағы мүгедек болғандықтан көмекке мұқтаж", - деп жазылған Успен аудандық сотының қаулысында.
Құжатта дәмхана бұрын алкоголь өнімдерін сату ережелерін бұзғаны үшін әкімшілік жауапкершілікке тартылғаны көрсетілген. Тамыз оқиғасы сотта "ҚР мемлекеттік қызметі туралы" Заңның 13-бабы және 50-бабы бірінші бөлігінің бесінші тармағы бойынша қаралды.
Іс Әдеп жөніндегі кеңесте де қаралды. Онда облыстың қазынашылық департаментіне басшыға Успен қазынашылығының басшысына толық емес қызметтік сәйкестік туралы ескерту беру ұсынылды.
