Журналистер әкімнен Орал қаласын қоса алғанда, жалпы облыс бойынша жаңа жылдық декорацияларға қанша қаражат жұмсау жоспарланғанын сұрады.
"Біздің бүлдіршіндер бұл мерекені асыға күтеді. Біз бұл іс-шараларға облыс бойынша 28 млн теңге қарастырдық, Орал қаласы мен 12 ауданды қоса алғанда. Қаражат барлық іс-шараларды, соның ішінде сыйлықтарды да қамтиды. Мен өткен жылдан бері жаңа шыршаларды сатып алуға тыйым салдым. Бұрын сатып алған шыршаларды мереке өткеннен кейін жинап, келесі жылы тазалап қайта орнатамыз", — деді Нариман Төреғалиев.
Әкімнің айтуынша, жаңа жылды мерекелеу аясында өңірде бірқатар іс-шаралар қарастырылған.
Бұған дейін БҚО-да жол жөндеу жұмыстары қарқынды жүріп жатқандығы хабарланған болатын.