Бұл туралы Астана төтенше жағдайлар департаменті мәлімдеді.
"Балалардың қаза болуына әкеп соққан өрт қауіпсіздігі талаптарының бұзылуына байланысты жеке екі қабатты тұрғын үйде болған өрт фактісі бойынша ТЖД анықтау бөлімі ҚР ҚК 292-бабы 3-бөлігі бойынша қылмыстық іс қозғады", - делінген хабарламада.
Тергеу нәтижелері тексеру аяқталғаннан кейін айтылады.
Еске салайық, 17 қараша күні таңертең Астанада орналасқан екі қабатты жеке тұрғын үйдің шатыры өртеніп, жартылай опырылған. Екі жастан 13 жасқа дейінгі төрт бала қайтыс болды.
