Бұл туралы ІІМ мәлімдеді.
Оқиға орнына келген учаскелік полиция қызметкері 3-ші қабаттан балкон жақтауынан сынған әйнектерді лақтырып жібергенін анықтады.
"Қалалар мен елді мекендердің аумақтарын абаттандыру ережелерін бұзғаны үшін ер адам жауапкершілікке тартылды, – деді Павлодар облысы Ақсу қаласы полиция бөлімі бастығының бірінші орынбасары Айдар Сламбеков.
Тәртіп сақшысы кіреберіс аумағы мен үй маңындағы аумақ қоғамдық орындарға жататынын атап өтті. Тұрғын үйдің иелері мен жалға алушылары тұрғын үйді пайдалану ережелерін сақтауға міндетті.
"Кіреберісте қоқыс тастайтын көршілермен күресудің өзіндік тәсілдерін ойлап тапқан тұрғындардың бастамашыл тобы құрылғаны жақсы – профилактикалық әңгімелерден бастап, кіреберісте жосықсыз көршілерді ар-ұжданға шақыратын хабарландыруларды іліп қоюға дейін бар. Егер орамал немесе бос темекі қорабы терезеден байқаусызда түсіп кетсе, еш зиянын келтірмейді. Бірақ терезеден бос бөтелкелер немесе қоқыс салынған сөмкелер сияқты қатты заттарды лақтыру одан да ауыр зардаптарға әкелуі мүмкін", – деп санайды полиция.
Полиция азаматтардан қоршаған ортаға құрметпен қарауды және қоқысты арнайы контейнерлерге тастауды сұрайды.
Айта кетейік, жыл басынан бері Павлодар облысының 6 мыңға жуық тұрғыны абаттандыру ережелерін бұзғаны үшін жазаланды.