Полиция 22 қарашада ит өзіне айтылған "Отыр, жат, тұр" – осы және басқа да көптеген команданы қуана орындайтын бейнероликті жариялады.
Иттің аты — Логон.
"Төрт аяқты тәртіп сақшысы қазақ тілінде берілген бұйрықтарды мүлтіксіз орындайды. Қарапайым тапсырмалардан бастап, күрделі операцияларға жылдам әрі нақты жауап береді. Бұл жоғары дайындық деңгейін көрсетеді", – деді ШҚО ПД.
Логонның дағдылары ШҚО кинологы Өмірзақ Кисановтың қажырлы еңбегінің нәтижесі болып табылады, ол өз шәкіртін тәрбиелеуге көп күш пен уақыт жұмсады.
Бұған дейін Мәжілісте қаңғыбас иттермен күрес мәселесі пікірталас тудырғаны хабарланған болатын.