22 қарашада қала прокурорының орынбасары Болат Мизанбаевтың айтуынша, бүгінде жосықсыз құрылыс салушыларға қатысты 16 қылмыстық іс тергелуде, 12 адам қамауда отыр.
"Сот прокурордың құны 7 млрд теңгеден асатын аяқталмаған құрылыс объектілерін өндіріп алу туралы сегіз талабын қанағаттандырды. Салынып жатқан тұрғын үй кешендерінде пәтерлерді заңсыз сатуды жүзеге асыратын 51 құрылыс салушы әкімшілік құқық бұзушылық туралы Кодекстің 320-бабы бойынша әкімшілік жауапкершілікке тартылды", — деді Мизанбаев.
Сонымен қатар, прокурорлар рұқсат құжаттарынсыз үлескерлердің қаражатын заңсыз тартқан Qurmangazy тұрғын үй кешенін бөлшектеуге қол жеткізді.
Бұған дейін баспана сатып аларда нені назарда ұстаған жөн екені хабарланған болатын.