Астана іргесінде үш баласымен пәтер жалдап, такси болып күн көретін ананың 8 жастағы кіші ұлы өздігінен жүре алмайды, сөйлемейді. Сондықтан оны үнемі массажға апарып отыру қажет. Пәтер жалдау ақысы мен тамақтан артылған ақшасына анасы баласының оңалту курстарына жұмсайды. Ал такси болғанда ол дімкәс баласын қасына алып жүруге мәжбүр екен.
"Қала сыртында пәтер жалдап тұрамыз, жедел жәрдем көбіне тез келе бемейді, сондықтан 7 жылға несиеге көлік сатып алдым. Бұлай такси жүргізгім келмейді, мұндай өмір тіпті, ер адамдарға да қиын. Әбден шаршадым. Кейде өмір сүргім келмей кетеді", - дейді әйел көзіне жас алып.
Оны тыңғылықты тыңдаған қайырымды жан Алланың қалауымен өзінің оған көмекке келгенін айтады.
"Бұл ақшаға балаң екеуіңіз емделуге барасыз, қалаған ісіңізді ашасыз, көліктің несиесін жабасыз. Одан соң ... Сіз үйлі болдыңыз", деген ол баспана кілті мен конверт толы ақшаны көңілі қам әйелдің қолына ұстатты.
Есі шыққан әйел көз жасына ерік берді.