Бұл туралы КТК телеарнасы хабарлады.
Қайғылы оқиға маусым айында болған. "Газель" көлігінің егде жастағы жүргізушісі тұрақта, абайсызда "Мерседес" көлігін сырып кеткен. Жеңіл көліктің ішінен атып шыққан жүргізуші әкесімен қатарлас адамды аяусыз соққыға жығады.
Зейнеткер ауыр соққыдан ес жимастан ауруханада қайтыс болған. Ал сегіз жылға сотталған Ахмедов марқұмның әйелі мен ұлына, яғни жәбірленушілердің әрқайсысына 10 миллион теңгеден материалдық өтемақы төлеуге міндеттелді.
"Ахмедов Мұхтар Хафизовичті ҚК 106-бабы, 3-бөлігімен кінәлі деп танып, оған 8 жыл мерзім бас бостандығынан айыру жазасы тағайындалсын. Жаза өтеу орны болып қылмыстық атқару жүйесінің орташа қауіпсіз мекемесі тағайындалсын. Жаза өтеу мерзімі 2024 жылғы 6 маусымнан бастап есептелінсін". Судья Зәуре Қазақбаева