ҚР Төтенше жағдайлар министрлігінің баспасөз қызметінің хабарлауынша, қайғылы оқиға болған күні құтқарушылар төтенше жағдай туралы хабар түсе салысымен дереу әрекет еткен.
"Ұшақтың құлауына байланысты шақырту түскеннен бастап оқиға орнына тез арада жетіп, авариялық-құтқару жұмыстарын жүргізуге кірістік. Біздің ең басты міндетіміз өртті сөндіру болды. Жауынгерлік қанат жайып, ұшақтағы өртті толықтай сөндірдік. Зардап шеккендерді құтқару жұмыстарын жүргізіп, Апаттар медицинасы орталығының қызметкерлеріне көмектестік. Өзімізге жүктелген міндеттерді толықтай орындадық. Бұл оқиғаны сөзбен жеткізу мүмкін емес", - деді Серіболат Оңғар.
Бұған дейін Қасым-Жомарт Тоқаев Әзербайжан Республикасының Президенті Ильхам Әлиевпен телефон арқылы сөйлесті.
Президенттер қайғылы оқиғаға байланысты бір-біріне көңіл айтып, Маңғыстау облысында апатқа ұшыраған Azerbaijan Airlines ұшағында қаза тапқан азаматтардың отбасылары мен жақындарына сабыр тіледі.