Халықаралық Азаматтық авиация ұйымы (ИКАО) бас хатшысының тапсырмасына сәйкес, 2024 жылғы 29 желтоқсанда Ақтауға арнайы бақылаушы — авиациялық оқиғаларды тергеу секциясының басшысы Тормодур Тормодсон ұшып келді.
"ИКАО Қазақстанның авиациялық билік өкілдерінің тергеп-тексеру барысындағы ашықтығы мен мүдделі мемлекеттермен өзара әрекетін жоғары бағалады". Көлік министрлігінің баспасөз қызметі
Бүгінгі таңда 17 халықаралық сарапшының барлығы Ақтауда.
Еске салайық, кеше, 28 желтоқсан күні, сағат 23:30 шамасында Ақтаудан әуе апатында қаза тапқан 24 Әзербайжан азаматының (оның ішінде үшеуі экипаж мүшесі) денесі еліне жөнелтілді.