Депутат Сергей Карплюк Сенаттың қарауына "Еуропа Қайта Құру және Даму Банкін құру туралы келісімнің 1-бабына банк операцияларын географиялық қамтуды Сахарадан оңтүстікке қарай орналасқан Африка елдері мен Иракқа шектеулі түрде және біртіндеп қолдануды жүзеге асыруға мүмкіндік беретін түзетулерді ратификациялау туралы" заңды енгізді.
"Еуропа Қайта Құру және Даму Банкін құру туралы келісімнің 12-бабының 1-тармағына жай операцияларға жарғылық капиталды шектеудің күшін жою мақсатындағы түзетулерді ратификациялау туралы" заң ЕҚДБ Директорлар кеңесіне банк капиталының жеткіліктілігі нормативтері туралы жедел шешім қабылдауға мүмкіндік береді. Бұл кредиттік қызметтің икемділігін арттырады және Қазақстанның негізгі жобаларын тиімді қаржыландыруды қамтамасыз етеді",- делінген Сенат ақпаратында.
Банк операцияларын жаңа елдерге тарату:
- Банктің қолданыстағы елдік операцияларды қолдау қабілетін төмендетпейді;
- Банктің несиелік рейтингіне қауіп төндірмейді;
- капиталға қосымша жарналар қажет емес.
Бұған дейін Қазақстанда арнаулы әлеуметтік қызметтер көрсетуге лицензия беру ережесі өзгергендігі хабарланған болатын.