Министр қатты тұрмыстық қалдықтарды сұрыптау және қайта өңдеу қуатын арттыру үшін жобалардың қосымша жоспары әзірленгенін айтты.
"Нәтижесінде бүгін министрлік әкімдіктер ұсынған жалпы сомасы 307 млрд теңгеге 65 жобаны қарады, оның ішінде 41-і қалдықтарды қайта өңдеу жобасы. Бүгінгі таңда бес жоба бойынша "Жасыл даму" АҚ 3,5 млрд теңге сомасына қаражат бөлді, ал жеке инвестицияларды қоса алғанда, жобалардың жалпы құны 5 млрд теңгені құрайды. 60,9 млрд теңге сомасына 11 жоба өнеркәсіпті дамыту қорында (КДҚ) қараудың II кезеңінде тұр. 241,1 млрд теңге сомасына 49 жобаны инвесторлар ескертулер бойынша пысықтауда", – деді Нысанбаев.
Оның айтуынша, сұрыптау бойынша жобалардың жалпы қуаттылығы жылына 2,2 млн тоннаны, ал қайта өңдеу бойынша – 1,1 млн тоннаны құрайды. Бұл жобаларды іске асыру 4,5 мыңнан астам жұмыс орнын құруға және 54,6 млрд теңге жеке инвестиция тартуға мүмкіндік береді.
Бұған дейін көлікті 5 минуттан артық қыздыру бойынша Экология министрлігінің басшысы өз ұстанымын білдірді.