Ведомствоның мәліметінше, Астанада ауа райына байланысты мектеп оқушылары мен колледждің 1-2-курс студенттері онлайн оқиды.
"2025 жылғы 24 қаңтар күні ауа райының қолайсыздығына байланысты бірінші ауысымның 0-11 (12)сынып оқушылары және колледждердің 1-2 курстың студенттері (9 сынып базасында) қашықтан оқыту форматына ауыстырылады", - делінген білім басқармасы таратқан хабарламада.
Еске салайық, 23 қаңтарда аязға байланысты бірінші ауысымдағы мектеп оқушылары мен колледж студенттері қашықтықтан оқытуға көшірілген еді. Одан кейін екінші ауысымдағылар да онлайн оқытуға ауыстырылды.