Қазақстан әйелдер құрамасы командалық әлем чемпионатының іріктеу сайысында D тобында Аустралия және Колумбиямен ойнайды. Бұл топтың матчтары 2025 жылғы сәуір айының екінші аптасында өтеді.
Биыл Билли Джин Кинг кубогының финалдық кезеңіне 12 емес, 8 команда қатысады. Алты топтың жеңімпаздарына турнир қожайыны Қытай мен 2024 жылғы әлем чемпионы Италия қосылады.
Әр топта екінші және үшінші орын алған командалар плей-офф кезеңінде аймақтық топтық турнирлердің үздіктерімен сынға түседі. Плей-офф кезеңінде топтарда үш командадан ойнап, жеңімпаздары 2026 жылдың іріктеу сатысына жолдама алады.