Нұраянның коллекциясында 902 асық бар, ол оларды үш жыл бұрын жинай бастаған. "24 kz" дерегінше, мектеп оқушысы бүгінде асықтарының санын мыңға жеткізбекке бел буып отыр. Ұлттық ойынды жақсы меңгерген коллекционер енді достарын да үйрете бастаған.
Оның айтуынша, асық ату ойынын оған сегіз жасында ағасы үйреткен.
"Ойын бірден ұнады, сол кезден бастап қызығушылығым пайда болған болатын. Содан кейін ерекше асықтарды жинап бастадым. Осылайша, үлкен коллекция жинақталды. Менің ойымша, асықтарымның санын мыңға жеткізу көп уақыт алмайды",- деді ол.
Бұған дейін Қазақстанда инвесторлар тізілімін құру жоспарлануда екені хабарланған болатын.