Сот кінәсін мойындау мен өкінуін ескере отырып, оған 80 сағаттық қоғамдық жұмыстарды тағайындады. Соттан кейін ер адам есепке тұру және қоғамдық жұмысты орындау орнын анықтау үшін аумақтық пробация қызметіне жіберілді.
Оған қалалық саябақтардың бірінің аумағында қар тазалау жұмыстары, сондай-ақ қоғамдық кеңістіктерді абаттандыруға көмектесу тағайындалды.
"Мен өзімнің теріс қылықтарымның салдарын түсіндім, бұл мен үшін сабақ болды. Енді мен біреуді заңды бұзу арқылы таң қалдырғаннан гөрі, өз сезімдерім туралы ашық айту жақсы екенін білемін", - деді жас жігіт.
Пробация қызметкерлері сот жүктеген міндеттемелердің орындалуын және жаза орындау тәртібінің сақталуын бақылау үшін жұмыс орнына үнемі барып тұрды. Сондай-ақ сотталушының барлық талапты бұлжытпай орындағаны айтылды.
"Мұндай жазалау шаралары қоғамға зиянды өтеп қана қоймай, адамдарға өздерінің өмірлік көзқарастарын қайта дұрыстауға көмектеседі. Бұл жағдай жазаның адамға өз қателіктерін түсінуге және өмірін жақсы жаққа өзгертуге көмектесетінінің үлгісі болады деп үміттенеміз".ҚАЖ департаментінің бастығы Рысбек Тұрғымбаев