Ал кәсіпкерлерге қала аумағынан 142 орын бекітілді. Коммерциялық орынды беру үшін арнайы аукцион өткізіледі, дейді әкімдік.
3 күнде шаһарда 210-нан аса заңсыз нысан сүрілді. Оның көпшілігі Абай даңғылында орналасқан. Тексеріс кезінде әкімдік көп нысанның өрт қауіпсіздігі мен тазалық сақталмағанын анықтапты. Сондай-ақ қаланың қақ ортасында ретсіз орналасып, шаһардың көркіне нұқсан келтіріп тұр дейді.
75 жылдық тарихы бар бұрынғы – Түрксіб ауруханасы сәулет ескерткіштерінің қатарына енген. Сыртқы келбеті мен жалпы құрылымын өзгертуге тыйым салынды. Көп жыл қараусыз қалған ғимараттың қазіргі күйі нашар. Айналасы қоқысқа толы, есік-терезесі алынып, әйнектер шашылып жатыр, деп жазады qazaqstan.tv.
Енді әкімдік мамырдан бастап тарихи ғимараттың ішін жөндемек. Ал келер жылы балаларды оңалту ауруханасы болып ашылады, деп жоспарлап отыр.