Беттің жұмсақ тіндеріне бірнеше рет кесік түрінде жарақат алған бес жасар бала № 2 Көпсалалы қалалық балалар ауруханасының жақ-бет хирургиясы бөлімшесіне жатқызылған болатын.
"Балаға ота жасалды, хирургтар қан кетуді тоқтату үшін тамырларды тікті". Астана ҚДБ баспасөз қызметі
Бүгінде оның жағдайы орташа тұрақты деп бағаналуда.
"Бала белсенді, барлық қажетті ем-шараны толық көлемде алуда", – деп қорытындылады мамандар.
Еске салсақ, 11 ақпанда медициналық бетперде таққан белгісіз адам астанадағы тұрғын үй кешендерінің біріндегі жеделсаты ішінде кішкентай балаға пышақ жарақатын салған болатын. Полицейлер оқиғаны тергеу барысында психоневрологиялық диспансерде есепте тұрған кәмелетке толмағанды анықтады.