Ел үкіметінің баспасөз қызметінің хабарлауынша, Петропавл ЖЭО-2-ге ерекше назар аударылып, онда жабдықтарды жөндеу және қалпына келтіру бойынша айтарлықтай жұмыстар атқарылды. "СевКазЭнерго" АҚ бас директоры қазандық агрегаттары мен турбогенераторлар сияқты негізгі техникалық жабдықтардың тозуы 57,3 пайызды құрайтынын хабарлады.
Өткен жылы ЖЭО-2-де No1, 9 қазандықтар мен No3, 6 турбиналарында күрделі жөндеу жұмыстары жүргізіліп, төрт турбинада жөндеу жұмыстары аяқталды.
Компания басшылығының мәліметінше, ЖЭС-2 көмірмен және мазутпен толық қамтамасыз етілген. Қазіргі уақытта қорда 183 мың тонна көмір мен 1833 тонна мазут бар, жанар-жағармайды жеткізу кестеге сай жүргізілуде.
"Үздіксіз жылу беруді қамтамасыз ету мемлекет басшысының ерекше бақылауында. Соңғы бір жылда елімізде 55 жылу көзі жаңғыртылды. Бұл салада үкімет энергетика және коммуналдық саланы жаңғырту бойынша ұлттық жобаны жүзеге асыруда. Жүргізілген жұмыстардың қорытындысы бойынша инженерлік желілердің тозу деңгейі 40%-ға дейін төмендейді және электр энергиясын өндіру қуаты 7,3 ГВт-қа артады деп болжануда. Сонымен қатар, жобалар 3,5 мың жұмыс орнын құруды көздейді", – деді Бектенов.
Олжас Бектенов Солтүстік Қазақстан облысының кәсіпкерлерімен салық реформасын да талқылады.