Lada.kz-тің хабарлауынша, полицейлер дереу оқиға орнына барып, құқық бұзушыны ұстады.
Маңғыстау облыстық полиция департаментінің баспасөз қызметінің хабарлауынша, мас ер адам балалармен әңгімелеспек болған. Алайда қала тұрғыны қандай да бір сексуалдық сипаттағы іс-әрекет жасамаған.
Арызданғандар мен зардап шеккендер жоқ екені айтылды.
Ақтау тұрғынына қатысты ҚР Әкімшілік құқық бұзушылық туралы кодексінің 440-бабы "Қоғамдық орында алкогольдік ішімдіктерді ішу" бойынша хаттама толтырылды. Бапқа сәйкес, оған 5 АЕК (19 660 теңге) көлемінде айыппұл салынды.