Щучинск қаласының 31 жастағы тұрғынына қатысты алаяқтық жасағаны туралы арыз 3 наурызда Степногор қаласының полиция бөліміне келіп түскен.
"Алдын ала тергеу көрсеткендей, қылмыскер 2024 жылдың сәуір және тамыз айларында шетелде тіркелген көліктерді Қазақстанда тіркеуге көмектесеміз деген желеумен әрекет етіп, жәбірленушілердің жалпы сомасы 7 млн 950 мың теңгені құрайтын қаражатын иемденген". Ақмола облысы ПД баспасөз қызметі
Полиция департаменті бұл оқиға бойынша сотқа дейінгі тергеу амалдарын бастады.
"Алаяқтықтың мұндай түрінің құрбаны болмас үшін ақша аудармас бұрын делдалдың шынымен де мұндай қызметтерді көрсетуге құқығы бар екеніне көз жеткізу керек. Құжаттарды сұратып, ақпаратты ресми дереккөздер арқылы тексеріңіз". Ақмола облысы ПД баспасөз қызметі
Бұған дейін Қазақстандағы алаяқтар қолданатын жаңа алаяқтық схема туралы жазған болатынбыз.